Thursday, January 27, 2011

അഞ്ചാം വിത്ത്

1


അഞ്ചാമതൊരു വിത്ത് ;


ആരാവാരത്തോടെ ,

പത്തുഗുണം വേണ്ടത് .

വിത്തിന് പക്ഷെ, 

പത്തല്ല, പതിനായിരം...

ഗുണമല്ല ; ദോഷം .

  
വിത്തിട്ട നിലം,

നനവ്‌ വറ്റിത്തുടങ്ങിയത് .

വിതക്കാരന്റെ കൈകള്‍ ,

വിറച്ചുകൊണ്ടിരുന്നത് .

മുളയ്ക്കില്ലെന്നു നിലം ,

മുളച്ചാലും കരിയുമെന്ന് നാട്ടാര്‍ ,

എന്നിട്ടും....
  

വിത്ത്‌ മുളച്ചപ്പോള്‍

കുംഭനിലാവില്ലായിരുന്നു .
 
മുളകള്‍ വെളുത്തിരുന്നപ്പോള്‍ 

വിത്ത്‌ മാത്രമറിഞ്ഞു ,

വിത്തിനുള്ളില്‍

നറും പാലാണെന്ന്...

 
ഇരുണ്ടു വെളുത്തു ;

വെളുത്തിരുണ്ടു -
 

മുള വളര്‍ന്നു ;

അഞ്ചാം വിത്ത്‌ ,

ആരാവാരങ്ങളില്ലാതെ ,

പതിനായിരം ദോഷങ്ങളോടെ ,

ഒരുകോടി കറുപ്പുകളോടെ...



( 27.01.2011 )

Monday, January 17, 2011

അജ്ഞം

19


മൗനം വിളിക്കുമ്പോള്‍ 

ഞാനുറങ്ങുകയായിരുന്നു; 
 

ഉറക്കത്തില്‍
 

പുല്‍മേടുകള്‍ ചുവന്നിരുന്നു;
 

മരങ്ങളില്‍ നിന്ന്
 

ഒഴുകിയിറങ്ങിയ രക്തം
 

വെളുത്തിരുന്നു.


മൗനം വിളിച്ചത്
 

അവള്‍ മരിച്ചുവെന്നു പറയാന്‍ ;
 

എന്റെ ചിതയില്‍ച്ചാടി....

 
അഗ്നി വറ്റി;
 

പറന്നുയര്‍ന്ന ചാരം
 

അവളുടെയും എന്റെയും.
 

ഉരുമ്മിയ അസ്ഥികള്‍;
 

പുരുഷനും, സ്ത്രീയും.

 
ഹിന്ദുച്ചിതയില്‍
 

അന്യജാതിയെല്ലുകള്‍
 

തിരിഞ്ഞെടുക്കാനാവാതെ
 

കുഴങ്ങിയ കാര്‍മ്മികന്‍...

 
കുടത്തിലായത് ചിലത്,
 

കുഴിച്ചുമൂടിയത് ചിലത്.

 
കുടത്തില്‍ അവള്‍
 

ഗംഗയിലൊഴുകിയപ്പോള്‍ 
 

മണ്ണിനടിയില്‍ എനിക്ക് കൂട്ടിന്

അവളുടെ വലതു കൈപ്പത്തി...
 

പുണര്‍ന്ന ചാരം;
 

രക്തവും, മാംസവും, മുടിയിഴകളും...

 
പിന്നെ മൗനം പറഞ്ഞത്
 

വളരെ പതിയെയായിരുന്നു;
 

'ഞാനറിഞ്ഞിരുന്നില്ല,
 

അവള്‍ നിന്നെ പ്രണയിച്ചത്‌...'


(14.01.2011)